Caruur ay Al-Shabaab "u diyaarisay is-miidaamin" oo lasoo badbaadiyey

Image

MUQDISHO, Soomaaliya – Ugu yaraan 16 Al-Shabaab ayaa lagu dilay, 40 caruur ahna waa laga soo badbaadiyey howlgal ka dhacay Koonfur Galbeed Soomaaliya, sidda ay Sabtidii shaaca ka dhigeen mas'uuliyiin ammaan.

Dhaqdhaqaaqaas liddiga ku ah xoogaga gacansaarka la leh Al-Qaacida ayaa laga fuliyey meel ku dhow degaanka dhowaan la xoreeyay ee Bariire kaasoo qiyaastii 62 KM u jira magaala madaxda dalka Muqdisho.

Bariire oo caan ku ah beeraha ayaa ka tirsan gobolka Shabeellaha Hoose, halkaasoo argagixisada ay joogitaan culus ku leedahay.

Axmed Xasan Salaad, taliye ka tirsan ciidamada howlgalka fliyey, ayaa sheegay in dhankooda uusan howlgalka kasoo gaarin wax khasaaro ah.

"Intii howlgalku socda oo ka dhacay tuulada Nuuney oo duleedka ka ah magaalada Bariire, milatariga waxaa u suurtagashay in ay soo badbaadiyaan 40 caruur oo kasoo kala jeeda qaybo kamida dalka," ayuu yiri.

Sidda ay warisay Idaacada Codka Ciidamadda, maleeyshiyaadka soo qafaashay ciidamadan waxay qorsheynayeen in ay u adeegsadaan is-miidaaminta.

Marka laga soo tago sheegashada ciidamada Soomaaliya, ma jiraan illo wareedyo madax-banaan oo xaqiijinaya dhamaan sheegashooyinkooda.

Gobolka Shabeellaha Hoose waxaa muddooyinkii u dambeeyay ka socday dhaqdhaqaaqyo hubeysan oo hadafkoodu yahay in laga hortago lana burburiyo fariisimo cusub oo Al-Shabaab sameysato mar-xalada kala guurka.

GAROWE ONLINE

Related Articles

Madaxweynaha Puntland oo Ganacsatada Boosaaso Ku Wargeliyay in Aanay Dhaqaale Siin Daacish

Isagoo hadalkiisa sii wata, Deni ayaa xusay in qaar ka mid ah ganacsatada Puntland ay dalka ka baxsadeen sababo la xiriira cabsida Daacish.

  • Soomaliya

    13-03-2025

  • 09:02AM

Maxaa kusoo kordhay weerarkii Hotel-ka Qaahira ee magaaladda Beledweyne?

Sida ay sheegayaan goobjoogayaal, qaraxyada iyo rasaasta ayaa ka dhigtay deegaanka mid kacsan oo kala carar iyo jahwareer ka jiraan.

  • Soomaliya

    12-03-2025

  • 02:00PM