Cumar Cabdirashiid oo Cadaado ka dagay
-
- Posted On 14-10-2016, 08:16PM
CADAADO, Somalia- Ra'isal wasaaraha waqtigu ka dhammaaday Cumar Cabdirashiid Cali Sharmake iyo wafdi lasocdo ayaa goor gaaban galabta ka dagay magaalada Cadaado ee xarunta KMG ah maamulka Galmudug.
Wafdigan oo ilaa maanta laga sugayay magaalada Garowe, ayaa soo dhaweyn loogu sameeyay degmada Cadaado ee gobolka Galgaduud.
Wararka uu helayo Garowe Online, ayaa sheegaya in Cumar Cabdirashiid degmadaasi kulamo kula yeelanayo mas'uuliyiinta Galmudug.
Wuxuu kala hadlayaa arrinta colaadda degmada Galkacyo iyo sidii labada maamul uga hishiin lahaayeen arrimaha muranku ka jiro.
Cumar oo garwadeen ka ahaa hishiiskii labada dhinaca gaareen Sanndkii 2015, ayaa xogtu sheegaysa in Cabdikariin Xuseen Guuleed cadaadis ku saarayo sidii looga tanaasuli lahaa colaad ka dhacda gobolka Mudug.
Barri, ayaa la filayaa inuu yimaado magaalada Garowe Caasumadda Puntland oo la filayo inuu kula kulmo madaxda Puntland.
Mudane CCC, ayaa sidoo kale Garowe u imaanaya doorashada Xubnaha Aqalka sare oo Axadda la filayo inay ka dhacdo hoolka golaha Wakiillada Puntland.
Wuxuu ka midyahay murashaxiinta ku jira liiskii uu dhawaan soo saaray madaxweyne Gaas.
GAROWEONLINE
