Dagaal maalintii labaad galay oo ka socda Caabuwaaq
-
- Posted On 09-09-2015, 02:24PM
09 September, 2015(GO)-Sida ay sheegayaan wararka ka imaanaya magalada Caabudwaaq ee gobolka Galgaduud waxa dhintey 8 qof halka ay dhaawacmeen tiro intaasi ka badan dagaal maalintii labaad galay oo ka socda degmadaasi.
Dagaalka oo ka socda magalada Caabudwaaq ee gobolka Galgaduud wuxuu u dhaxeeya maamulka Galmudug iyo Ahlu Sunna Waljameeca kuwaasi isku haysta maamulka gobolada dhexe.
Dagaalka ayaa shalay bilowday ka dib markii maleeshiyaad ka tirsan Ahlu Sunna weerar ku qaadeen Guri uu ku sugnaa wasiirka Ganacsiga maamulka Galmudug.
Dad ka agdhawaa goobaha lagu dagaalamey ayaa billaabey barakac, iyadoo odayaasha iyo waxgaradka magaaladana qorshaynayaan inay nabad ka dhex raadiyaan dhinacyada dagaalamaya.
Labada dhinac ayaa isku eedaynaya bilaabidda dagaalka ka socda Caabudwaaq.
GAROWEONLINE
