Darawalkii Gaariga ku qarxiyay Suuqa Beerta oo la dilay
-
- Posted On 18-05-2017, 12:58PM
MUQDISHU, Somalia- Maxkamada ciidamada qalabka sida ee Somalia Xukun dil ah ayaa saaka ku fulisay Nin lagu magacaabo Cabdiqaadir Cabdi Xasan, oo 40 jir ah, kana mid ahaa Kooxda Al shabaab.
Ninka la toogtay ayaa Maxkamaddu sheegtay inuu ahaa shakhsigii waday Gaarigii lagu Qarxiyay Suuqa Beerta ee Degmada Waabari 26-kii Bishii November 2016, kaasi oo ay ku dhinteen dad shacab ah oo gaaraya 30 qof.
Xeer ilaaliye ku xigeenka Maxkamadda Ciidamada Qalabka Sida Muumin Xuseen Cabdullaahi ayaa ku dhawaaqay xukunka dilka ah, oo ay kasoo qeybgaleen Taliyaal katirsan Maxkamadda ciidamada qalabka sida.
Wuxuu sheegay in Maxkamadda ay Xukunka Dilka ah ku riday Cabdiqaadir Cabdi Xasan Febuary 2, 2017, kadib markii ay ku cadaatay inuu katirsan yahay Al shabaab kuna qornaa qaraxii Ismiidaaminta ee Suuqa Beerta.
Ciidamada amniga dowladda Federaalka Somalia, ayaa gacanta kusoo dhigay Ninkan islamaalinta uu qaraxa dhacay, kadib markii uu ka degay Gaariga uu watay, kaasi oo lagu soo xiray walxaha qarxa.
GAROWEONLINE
