Dowlada Federalka & maamulka Jubaland oo kawada hadley Bardhere
-
- Posted On 21-08-2015, 12:08PM
21 August,2015 (GO)- Cabdullaahi Sheekh Ismaaciil "Fartaag" siihayaha xilka madaxweyne ku xigeenka Jubbaland ayaa wareysi uu siiyey Radio Jubbaland ayaa waxaa uu faah faahin ka bixiyey kulamo ay la qaateen wasiirka difaaca xukuumadda Somalia Cabdiqaadir Sheekh Cali Diini iyo xubno ka mid ah xildhibaanada Baarlamaanka Federaalka.
Farataag ayaa sheegay in kulamadii laqaateen wasiirka difaaca dowlada Federaalka in ay ka soo baxeen natiijooyin wanaagsan, isla markaana socodkooda uu ku qotomay sidii wax badan uga ogaan lahaayen xaaladda guud ee degmada Baardheere.
Madaxweyne ku xigeenka ayaa waxaa uu si buuxda u cadeeyey in wafdiga wasiirka dowlada Federaalka, AMISOM iyo Jubbaland ugu dhawaaqeen in si rasmi ah loo furey garoonka diyaaradaha Baardheere oo xirnaa muddo ka badan ilaa 10 sanno.
Waxaa uu sidoo kale Farataag ka hadlay kulamo ay Baardheere kula qaateen wafdigii ka socday Qaramada Midoobey ee dhowaan gaaray magaalada Baardheere.
GAROWEONLINE
