DEG DEG: Mukhtaar Roobow oo soo gaarey magaalada Muqdishu

Image

MUQDISHU, Somalia - Diyaarad gaar ah, oo siday Afhayeenkii hore ee Kooxda Al shabaab, Mukhtaar Roobow Cali "Abu Mansuur", ayaa goordhaw kasoo dagtay Garoonka Diyaaradaha ee magaalada Muqdishu.

Mukhtaar Roobow oo ay wehliyaan Wasiirka Gaashaandhigga dowladda Federaalka Cabdirashiid Cabdullaahi Maxamed, iyo Saraakiil kale ayaa lagu soo dhaweeyay Garoonka Aadan Cadde, waxaana looo galbiyay dhanka qasriga Madaxtooyada Somalia.

Wararka ayaa sheegaya in Mukhtaar Roobow uu saacadaha soo socda Shir Jaraa'ida ku qaban doono Muqdishu, si uu u iclaamiyo inuu kasoo baxay fekerka Al shabaab, waxaana la filayaa inuu la kulmo Madaxda sare ee dalka, oo ay kamid yihiin Madaxweyne Farmaajo iyo Ra'iisul Wasaare Kheyre.

Roobow ayaa saaka iska soo dhiibayy degmada Xudur, ee gobolka Bakool, kadib markii Saraakiil katirsan Koonfur Galbeed Somalia kasoo kaxeeyeen deegaankii uu mudo ku sugnaa ee Abal, halkaasi oo Al shabaab kusoo weerartay todobaadkii tagey.

Wasiirka difaaca Somalia ayaa Xudur kasoo wadey Roobow oo kasoo dejiyay magaalada Muqdishu.

Wixii kusoo kordha warkana, kala soco wararka dambe, ee Garowe Online

GAROWEONLINE

Related Articles

Soomaaliya : Garaad Jaamac iyo Suldaan Siciid oo Si Kulul u Diidey Shirka Laascaanood

Garaad Jaamac Garaad Cali oo si toos ah ula hadlay shacabka ayaa sheegay in shirka….

  • Soomaliya

    12-07-2025

  • 02:00AM

Madaxweynaha Dowladda Puntland oo Qaabilay Safiirka Ingiriiska ee Soomaaliya

Sidoo kale, Dowladda Ingiriiska ayaa Dowladda Puntland ku wareejisay deeq isugu jirta daawooyin iyo agab caafimaad.

  • Soomaliya

    10-07-2025

  • 02:57PM