DEG DEG: Qarax Culus oo ka dhacay magaalada Muqdishu
-
- Posted On 04-08-2017, 07:10PM
MUQDISHU, Somalia - Qarax xooggan ayaa caawa fiidkii ka dhacay bartmaha magaalada Muqdishu, kaasi oo laha maqlay jugtiisa qeyb kamid ah Caasumadda.
Goobjooge ayaa GO u xaqiijiyay in qaraxa uu ka dhacay afaafka hore ee Hotel Ambassador, oo ku yaalla Wadadka Makka Al-Mukarama, waxaana weerarka loo adeegsaday Gaari lagu soo xiray walxaha qarxa, kaasi oo geestay khasaarooyin kala duwan.
Wali lama oga khasaaraha rasmiga ah ee ka dhashay qaraxan, balse waxay wararka sheegayaan inay dad badan ku dhinteen, qaar kalena ay ku dhaawacween.
Goobta qaraxa waxaa ku yaalla Isbitaal lagu magacaabo Daarul-Shifa, mana la xaqiijin halka uu bartilmaameedku ahaa. Ma jirto cid sheegatay mas'uuliyadiisa. Halka uu weerarka ka dhacay waxaa ka dhaw bar-koontarool oo ciidamada ay ku baaraan gaadiidka, xilliga habeenkii.
Ciidamo katirsana dowladda Federaalka Somalia, ayaa goobta xiray, waxaana ay afarta jiho u ridayeen rasaas xooggan, iyadoo gebi ahaanka hakad la geliyay isku socodka gaadiidka iyo dadweynaha.
Fahfaahinta qaraxa, kala soco Wararka dambe ee GaroweOnline.
GAROWEONLINE
