Taliyeyaasha Booliska iyo Nabad suggida oo xilka laga qaaday
-
Wariyaha Muqdisho Garowe Online
- Posted On 29-10-2017, 03:23PM
MUQDISHO, Soomaaliya - Gollaha Wasiiradda Xukuumadda Soomaaliya ayaa xilalkii ka qaadey Taliyaashii Ciidamada Booliska iyo Nabad Sugida, kadib markii ay ku fashilmeen amniga magaalada Muqdisho.
Cabdullaahi Maxamed Cali "Sanbaloolshe", Taliyihii NISA iyo Cabdixakiin Daahir Saacid, Taliyahii Booliska ayaa ku weeyay xilalkoodii waxqabad la'aan iyo inay wax ka qaban waayeen qaraxyada kusoo kordhayay Muqdisho mudooyinkii dambe.
Wasiirka Warfaafinta Soomaaliya, Eng Cabdiraxmaan Cumar Cismaan Yariisow ayaa xaqiijiyay xilka qaadista Taliyeyaasha Booliska iyo Nabad Sugida.
Golaha Wasaarada ayaa xilalkii ka qaaday Taliyaha Booliiska iyo Agaasimaha Nabad-Sugida Qaranka
— Abdirahman O. Osman (@engyarisow) October 29, 2017
Labada Mas'uuli ayaa dhowr jeer xilalkan usoo qabtey dowladihii ugu dambeeyay, iyagoo horeyna sidan oo kale xilalkooda looga qaadey fashil amni.
GAROWE ONLINE
