Dowlada Somalia oo qaaday Xayiraada Qaadka
-
- Posted On 13-09-2016, 05:42PM
MUQDISHO, Somalia -- Madaxweynayaasha Somalia iyo Kenya Xasan Sheekh iyo Uhuro Kenyatta ayaa ku heshiiyay in dib loo billaabo duulimaadyadii Diyaaradaha Qaadka, oo mudo ku dhaw Labo Todobaad hakad ku jiray.
Xasan iyo Uhuru ayaa kulan gaar ah, oo albaabada u xiran yahay ku yeeshay Hotel-ka uu ka socdo shir Madaxeedka IGAD kasoo maanta ka furmay magaalada Muqdisho.
Madaxweyne Uhuru Kenyatta ayaa waxaa safarkiisa Muqdisho ku wehliya Gudoomiyaha gobolka Meru Peter Munya, kaasi oo dhawaan cadaadis xoogan kala kulmay Beeralayda Qaadka Kenya oo Malaayiin Doolar ku waayay mamnuucista Qaadka loo iib-geeyo Somalia.
Somalia ayaa ah suuqa kaliya ee loo iib-geeyo Qaadka Kenya, kadib markii Labo Sano kahor dalal kamid ah Yurub, oo UK ugu horeyso joojiyeen Ganacsiga Iyo cunista Maandooriyaha Qaadka.
Inkastoo Qaadka ay mamnuucday Dowladda Federaalka Somalia, qeybo kamid ah dalka si caadi ah ayu uga degayay kuwasoo maamulada ka arimiya dheg jalaq u siin go'aanka madaxweynaha xilkiisu dhamaadey Sept 10, 2016.
Lama oga ilaa hadda sababta dhabta ah ee loo joojiyey Qaadka Kenya uga imaanayey magaalada Muqdishu marka laga reebo safiirka Nairobi u fadhiya Somalia oo sheegey in gudoomiyaha gobolka Meru faraha la galey arimaha gudaha ee wadanka dagaalada ka socdeen muddo 25 sano ah.
GAROWEONLINE
