Dowladda Masar agab ciidan ugu deeqday Somalia [Sawirro]
-
- Posted On 19-07-2016, 07:50PM
MUQDISHU, Somalia- Dowladda Masar ayaa xukuumadda Somalia ku wareejisay gaadiid ciidan iyo agab kale oo Military kuwaasoo loogu talo galay in lagu qalabeeyo ciidamada xogga dalka Somalia.
Munaasabad lagu wareejinayay agabkaasi, waxaa kasoo qayb galay wasiirka wasaaradda Gaashaan-dhigga Somalia, taliyaha ciidanka xoogga dalka iyo mas'uuliyiin kasocota dowlwadda Masar.
Taliyaha ciidamada xoogga dalka Somalia Maxamed Aadan Axmed, ayaa u mahadceliyay xukuumadda fadhigeedu yahay Qaahira wuxuuna sheegay in deeqdan wax ka badali doonto saanadda ciidanka Somaaliyeed.
Wasiirka Gaashaandhigga Somalia, ayaa dhankiisa xusay inay tahay wax lagu farxo tallaabada ay ku dhaqaaqday dowladda Masar, wuxuuna usoo jeediyay inay joogteeyaan kaalamadan oo kale.
Saraakiisha ciidamada ayuu ka codsaday inay ilaaliyaan hantida lagu wareejiyay islamarkaana geeyaan goobaha baahidu ka jirto.
Mas'uul u hadlay dowladda Masar ayaa goobta ka sheegay in deqdan aysan noqon doonin tii ugu dambaysay balse rajaynayaan inay ahaato mid koowaad isagoo carrabka ku dhuftay inay soo wadaan deeqo kale.
Dhawaan ayay ahayd markii taliyaha ciidamada xoogga dalka Somalia uu tagay magaalada Qahir isagoo lasoo kulmay mas'uuliyiinta waddankaas gaar ahaan hogaanka ciidamada, waxayna ka wada hadleen qaabkii loo qalabayn lahaa ciidamada dalka Somalia.
GAROWEONLINE
