Farmaajo oo laga dalbadey in uusan mar kale isa soo sharaxin

Image

MUQDISHO, Soomaaliya - Golaha Midowga Musharaxiinta madaxtinimada Soomaaliya ayaa dalbadey in madaxweynaha waqtiga ka dhacay Farmaajo uusan mar kale isu soo taagin xilka ugu sareeya dalka.

War-saxaafadeed Talaadada maanta ah kasoo baxay musharaxiinta ayaa lagu caddeeyay in Farmaajo uu mas'uul ka yahay dhalinyarada Soomaaliyeed ee "ku dhamaadey colaada sokeeye ee Itoobiya.

"Golaha Midowga Murashaxiinta wuxuu garab taagan yahay waalidiinta ubadkooda kaga maqan yihiin dalka Eritrea. Waxaa soo xoogaysanaya cadaymaha in dhalinyaradaasi ay ka qaybgaleen dagaalkii Gobolka Tigreega," ayay sheegeen.

Sida laga soo xigtey bayaanka, hogaanka dowlada federaalka ah ee muddo xileedkooda dastuuriga ah uu dhamaadey ayaa iska-indha-tiray in ay gutaan waajibaadka ka saaran in ay la hadlaan waalidiinta dhalinta.

"Haddaba, goluhu wuxuu cadaynayaa in madaxweynaha xilkiisa dhamaaday uu qaadayo masuuliyada. Waxaan suuragal ahayn in isagoo gaystay gaboodfal intaa la eg uu damac kaga sii jiro hoggaanka dalka," ayay tibaaxeen.

Dhalinyarada tababarka sida qarsoodiga ah loogu qaadey Eritrea ayaa la sheegay in kalkii hore lagu wargeliyey in loo qaadayo Qadar hase ahaatee loo leexiyey Asmara halkaasoo wali qeybtood aanan laga soo celin.

Waalidiinta dhalinyaradaas tababarka loo qaadey oo banaanbaxyo kala duwan ka dhigay magaala madaxda Muqdisho ayaa cod dheer waxay ku dalbadeen in ay helaan cadaalad lana hadasho xukuumadda dalka.

Hoos ka akhriso qoraalka guddiga

GAROWE ONLINE

Related Articles

Madaxda Sirdoonka iyo Militeriga Itoobiya oo booqday Muqdisho

In kasta oo ciidamada Itoobiya ay muddo dheer joogeen Soomaaliya, heshiiskani wuxuu muujinayaa iskaashi rasmi ah iyo qaab-dhismeed leh.

  • Soomaliya

    23-02-2025

  • 12:41PM

Xildhibaano mucaarad ku ah Maamulka Xasan Sheekh oo xayiraadda laga qaadey

Sidoo kale, wuxuu ku booriyay in ay ka shaqeeyaan sidii loo horumarin lahaa wadashaqaynta iyo kala dambeynta Baarlamaanka, si loo gaaro horumar waara.

  • Soomaliya

    23-02-2025

  • 11:24AM