Ganacsade lagu dilay magaalada Laascaano
-
- Posted On 01-09-2016, 11:01PM
LAASCAANO, Somalia- Koox ku hubaysnaa Bastoolado ayaa caawa magaalada Laascaano xarunta gobolka Sool ku weeraray niman ganacsato ah, waxaana geeriyooda mid kamid ah sida ay noo xaqiijiyeen goob joogayaal ku sugnaa degmada.
Weerarka oo dhacay salaaddi cishaha kadib ayaa lala eegtay sarkaal sare oo katirsanaa Shirkadda Dahabshiil ee gobolka Banaadir kaasoo booqasho ugu yimid qoyskiisa oo halkaasi ku sugan.
Ninka dhintay ayaa lagu magacaabaa Maxamed Xirsi Yusuf, oo ahaa ganacsatada sida aadka ah looga yaqaano degmadaasi.
Majirto ilaa hadda cid sheegatay, mas'uuliyadda weerarkaasi oo ka dhacay nawaaxiga masaajidka Jaamaca ee Laascaano.
Ciidamada ammaanka ayaa falkaasi kadib goobta soo gaaray, waxayna sameeyeen baaritaano kala duwan.
Ilaa hadda wax war ah kama soo bixin ciidamada maamulka degmada iyo saraakiisha amniga.
Weerarkan ayaa yimid Bil uu kadib markii weerar lagu qaaday Guddoomiyaha ganacsatada gobolkaasi Cabdirasaaq Dhabayaco kaasoo iminka lagu dabiibayo dalka Turkiga.
GAROWEONLINE
