Xaaf oo Xayiraadda ka qaadey Garoonka Cadaado
-
- Posted On 02-10-2017, 03:00PM
CADAADO, Soomaaliya - Waxaa maanta dib u shaqo billaabey Garoonka Diyaaradaha magaalada Cadaado, oo 4 maalmood kahor xayiraad kusoo rogay Madaxweynaha Galmudug, Axmed Ducaalle Geelle Haaf.
Wasiirka Wasaaradda Duulista Hawadda Galmudug Cabdullaahi Cali Maxamed ayaa shaaciyay in Madaxweyne Xaaf uu fasaxay Adeegyadii Garoonka, iyadoo ay soo dagi karaan dhamaan duulimaadka.
Arintan ayaa ka dambeeyay Odayaasha dhaqanka iyo Waxgaradka Cadaado ayaa ka codsadeen Madaxweynaha in uu fasaxo shaqada Garoonka, kadib kulan Shalay ay ku yeesheen Magaalada.
Galmudug ayaa wali ku jirta Xaalad deg deg ah, oo socon doonto mudo 3 bilood ah, taasi oo dhaqan gashay maalintii shalay, waxaana go'aankaasi soo saarey Madaxweyne Xaaf.
Waxaa wali jira Khilaafka u dhaxeeya Madaxda Sare, ee Galmudug, oo ka dhashay Go'aankii Xaaf uu ku taageeraay Xulufada Sacuudiga, kaasi oo sababay in maamulka galo jahwareer kale.
GAROWEONLINE
