Guddiga Doorashada Madaxweynaha Koonfur Galbeed oo la shaaciyay
-
Wariyaha Muqdisho GAROWE ONLINE
- Posted On 21-10-2018, 01:21PM
BAYDHABO, Soomaaliya - Baarlamaanka Koonfur Galbeed Soomaaliya ayaa maanta oo Axad ah magacaabey gudiga doorashada Madaxweynaha maamulkaasi, taasoo la filayo inay dhacdo bisha soo socota ee November 2018.
Gudigan oo ka koban 27 xubnood ayaa waxaa la horgeeyay Gollaha sharciga dejinta Maamulka Koonfur Galbeed, oo kulankoodii maanta ee ka dhacay Baydhabo cod gacan taag ah ku ansixiyay. Waxaa ogolaatay 93 Xildhibaan, waxaana diiday 13 mudane.
Gudoomiyaha Gollaha Wakiiladda Koonfur Galbeed, Cabdulqaadir Shariif Sheekhuna ayaa ku dhawaaqay in la meel-mariyay gudiga qaban-qaabada doorashada Madaxweynaha maamulkan.
Doorashada waxaa isku soo sharaxay musharaxiin dhowr ah, oo ay kamid yihiin Mukhtaar Roobow, hogaamiye ku xigeenkii hore ee Al-Shabaab, Taliyihii NISA, Xuseen Maxamed Xuseen, Madaxweynaha haya talada, Shariif Xasan iyo wasiirkii maaliyadda dowladdii Xasan Sheekh, Maxamed Ibraahim Farkeeti iyo kuwa kale.
Musharaxiinta qaar ayaa la sheegay inay taageero ka helayaan dowladda Federaalka Soomaaliya, oo khilaaf siyaasadeed hadda kala dhaxeeya Madaxweyne Shariif Xasan.
HOOS KA AKHRI LIISKA GUDIGA DOORASHADA:
GAROW ONLINE
