Guddiga Maaliyadda BF oo la kala diray kadib warbixintii Beyle
-
Wariyaha Muqdisho GAROWE ONLINE
- Posted On 28-11-2018, 01:46PM
MUQDISHO, Soomaaliya - Gudoomiye ku xigeenka Gollaha Shacabka, Cabdiweli Muudey ayaa kala diray Guddigii Maliyadda ee Baarlamaanka, maalmo kadib markii ay warbixin kasoo gudbiyeen Wasiirka Maaliyadda oo musuq-maasuq ku eedeeyeen.
Go'aankan kala dirista, ayaa yimid kadib marki Xildhibaanada Gudiga ay ku kala qeybsameen Warbixinta miisaaniyadda 2018, oo wasaaradda maaliyadda ku eedeysay wax is-daba marin iyo lacago maqan, oo aan la ogeyn halka ay ku baxday.
Go'aankan ayaa Muudey u cuskaday in Guddiga uu kala qeybsamey, islamarkaana uu Gollaha Shacabka hortiisa isagu khilaafay warbixintooda, taasoo muujinaysa inaysan jirin wada-shaqeyn ay ku gudan karaan waajibaadkooda.
Xildhibaanada ayaa u badan kuwa Mucaaradka ku ah Xukuumadda Khayre, waxaana kala dirista lagu sameeyay loo arkaa inay tahay mid looga horgayo kacdoonkooda.
Gudoomiye ku xigeenka 1aad, Cabdiweli Muudey ayaa sheegay in sida ugu dhaqsiyaha badan loo soo magacaabi doono Guddi cusub, oo bedela midka maanta uu kala diray.
HALKAN KA AKHRI WAREEGTADA:
GAROWE ONLINE
