Guddoomiyihii degmada Jannaale oo weerar qorsheysan lagu diley [DHEGEYSO]
-
- Posted On 04-08-2015, 09:14AM
August 4, 2015 (GO)- Dabley hubeysan ayaa xalay toogasho ku diley guddoomiyihii degmada Jannaale ee gobolka Shabeellada Hoose, Cabdiqaadir Ibraahim Sheekh Cali iyo labo kamid ah ilaaladiisa.
Weerarka ayaa dhacay abbaare lixdii saac ee habeenimo, waxaana fuliyey ugu yaraan saddex nin oo wejiga soo duubtey kuna hubeysnaa qoryaha daran-doorriga u dhaca, kuwaas oo weerar gaadmo ah kusoo qaaday guriga guddoomiyaha.
Ciidamada booliska ee degmada iyo ciidamo kale oo ka tirsan AMISOM ayaa goobta soo gaarey daqiiqado kadib, haseyeeshee uma suurtogelin inay gacanta kusoo dhigaan kuwii dilka geystey.
Al-shabaab ayaa sheegatay mas'uuliyadda dilka guddoomiyaha.
GAROWE ONLINE
