Hishiis dhexmaray Galmudug iyo Ahlusunna
-
- Posted On 27-08-2015, 05:56PM
27 August, 2015 (GO)- Maamulka Galmudug iyo Ahlusunna Waljameeca ayaa maanta magaalada Cadaado ee gobolka Galguduud ku kala saxiixdey heshiis Awood-qaybsi ah .
Heshiiskan ayaa ka kooban dhowr qodob, wuxuuna ku qotoma sidii maammulka Ahlusuna Waljamaaca uga mid noqon lahayd maamulka Galmudug ee Cadaado lagu dhisay bishii lasoo dhaafay ee July.
Qodobbada ku xusan heshiiskan ayaa waxaa ka mid ah inay Ahlu-sunna xubno ku yeelato golayaasha Maamulkan sida; Xildhibaanada, Wasiirada, Agaasimayaasha,Maamullada goballada iyo degmooyinka uu ka taliyo maamulkaasi.
Galmudug ayaa waxaa heshiiskan u saxiixay Madaxweynahooda, C/kariin Xuseen Guuleed, halka Ahlusunna Waljamaaca uu Heshiiska u Saxiixay Guddoomiyaha Seddexda Gole ee Ahlusunna, Sheekh Ibraahim Guureeye.
Hishiiska labada dhinac ayaa ka yimi ka dib wadahadalo maalmihii la soo dhaafey uga socdey degmada Cadaado ee gobolka Galgaduud, waxaana madaxweynaha Galmudug oo horey u baajiyay dhismaha golaha Wasiirada maamulkaasi oo la filayay in dhawr maalin ka hor lagu dhawaaqo.
GAROWEONLINE.
