Isbadal lagu sameeyey garsoorka Somaliland
-
- Posted On 30-08-2015, 11:07AM
30 Augusto, 2015(GO)-Garsoorka Somaliland ayaa lagu sameeyey isku shaandhayn isugu jirta xilalka qaadis iyo bedalid lagu sameeyey in ka badan 90 xubnood.
Guddida cadaaladda Somaliland ayaa soo saaray go’aankan isku shaandhaynta ah ,waxaana xubnaha arintani saameysay ka mid ah gudoomiyaasha maxkamadaha gobolada, degmooyinka, xeer ilaaliyaayaal, iyo garsorayaal, sida warbaahinta u sheegey wasiirka cadaaladda Somaliland Xuseen Axmed Caydiid.
Go’aankan ka soo baxay guddida cadaaladda ayaa waxaa xilkii lagaga eryey 16 xubnood oo iskugu jiray garsoorayaal iyo ku-xigeeno xeer Ilaaliyayaal Guud, kuwaasi oo ka hawl-galayey maxkamadaha goboladda Maroodi-jeex, Togdheer, Sanaag, Saaxil iyo Sool.
GAROWEONLINE
