Jawaari iyo wafdi uu hoggaaminayo oo degmada Cadaado gaarey
-
- Posted On 22-06-2015, 08:16AM
June 22, 2015 (GO)- Guddoomiyha Baarlammaanka Soomaaliya Maxamed Sheekh Cismaan Jawaari iyo wafdi uu hoggaaminayo ayaa maanta gaarey magaalada Cadaado ee gobolka Galguduud.
Mas'uuliyiin ka tirsan Dowladda Federaalka oo horay degmada Cadaado ugu sugnaa, madax dhaqameed iyo boqollaal dadweyne ah ayaa ka qayb qaatay soo dhoweynta Jawaari, iyadoo ammaankana si weyn loo adkeeyey.
Muddada uu Cadaado ku sugan yahay, Guddoomiyaha Baarlammaanku wuxuu la kulmi doonaa qaybaha kala duwan ee bulshada.
Booqashada Jawaari ee Cadaado ayaa kusoo aadeysa xilli uu gabagabo ku dhow yahay shirka maamulka loogu sameynayo gobollada Galguduud iyo Koonfurta Mudug.
Jadwalka shirka oo la shaaciyey:
Wasaaradda Arrimaha Gudaha iyo Federaalka Soomaaliya ayaa shaacisay jadwalka dhameystirka shirka Cadaado ee lagu dhisayo maamulka Galmudug.
Wasiirka Arrimaha Gudaha Cabdiramaan Maxamed Xuseen (Odowaa) ayaa tilmaamay in muddo labo Todobaad gudahood ah la qaban doono doorashooyinka Guddoonka Baarlmaanka, Madaxweynaha & Ku-xigeenkiisa.
JADWALKA AYAA U QORNA SIDAN:
GAROWE ONLINE
