Juxa oo shaqo joojin ku sameeyay Xoghayaha joogtada ah ee Wasaaradda Arrimaha Gudaha Somalia
-
- Posted On 22-07-2017, 12:45PM
MUQDISHU, Somalia- Wasiirka Wasaaradda Arrimaha Gudaha dowladda Federaalka Somalia, Cabdi Faarax Saciid Juxa ayaa waraaq uu soo saaray shaqo joojin ku sameeyay Xoghayihiin joogtada ahaa ee wasaaradda Yaxye Cali Ibraahim.
Warqad soo baxday maanta 22 July, 2017 ayaa lagu sheegay in Yahye uu u hogaansami waayay amarrada madaxda sare islamarkaana uu curyaamin ku wada hannaanka shaqo ee wasaaradda.
Wasiirka ayaa warqaddan ku muujiyay in Xoghayan oo shaqada si KMG ah u yahay uu waxba ku qaadan waayay digniino horey loo siiyay.
Xoghaye Yaxye ayaa sidoo kale lagu eedeeyay inuu sameeyay ku tagri fal awoodee iyo ku xad-gudub jaran-jarada shaqo ee wasaaradda isagoo ay cabasho ka keeneen shaqaalaha.
Tallaabadan ayaa soo if-baxda xilli wasaaraddu waday qorshayaal la xariira hormarinta dib u hishiisiinta dalka.
GAROWEONLINE
