Khadka taleefanada oo dib u shaqeeyey gobolada Jubooyinka
-
- Posted On 29-10-2016, 05:31PM
KISMAYO, Jubaland- Waxaa dib u shaqeeyey khadka taleefanada kadib markii uu maanta ka go'naa gobolalada Jubooyinka kasoo ay ku jirto magaalada Kismayo.
Shirkadaha Hawada ka maqnaa maanta ayaa waxaa kamid ahaa Nation link iyo Hurmuud kuwasoo ka howlgala gobolada Jubooyinka.
Wararka ka imaanaya magaalada Kismayo ayaa sheegaya in taleefanada ay jareen kooxda Al shabaab kuwasoo ciidamdooda maalmihii ugu dambeeyey weerar oo ka gaysanayeen degaano ka tirsan maamulka Jubaland.
Kooxda Al shabaab ayaa weerar ay dhowaan ka gaysatey degmada Afmadow ka jartey taleefanada intii duulaan ku soo qaadin.
Dhinaca kale waxaa jira warar sheegaya in duqeyn dhinaca cirka ah maanta ka dhacdey degaano ka tirsan gobolka Jubada dhexe.
Ururka Al shabaab ayaa soo kordhiyey dhowaan weerarada uu la beegsanayo ciidamada AMISOM iyo kuwasoo dowlada Federaalka kadib markii degaano ka tirsan gobolka Bakool iyo Hiraan dib u qabsadeen.
GAROWEONLINE
