Madaafiic lagu garaacay Garoonka Diyaaradaha Baydhabo
-
- Posted On 01-10-2017, 10:21AM
BAYDHABO, Soomaaliya - Al Shabaab ayaa tiro madaafiic ah ku garaacay xalay Garoonka Diyaaradaha magaalada Baydhabo, ee xarunta gobolka Baay.
Saraakiisha Booliska maamulka Koonfur Galbeed ee ku sugan magaalada ayaa xaqiijiyay in madaafiicda ay ku dhaceen nawaaxiga Garoonka, islamarkaana aanay jirin wax khasaaro ah oo ay gaysteen.
Al Shabaaba ayaa sheegatay mas'uuliyadda weerarka hoobiyaasha ah, kaasi oo lagu soo waramayo in lagu soo beegay xilli Garoonka ay kasoo degayaan Diyaaradao hub iyo saanad ciidan u siday AMISOM.
Wararka ayaa intaasi ku daraya in saaka Ciidamada amniga ay fuliyeen howlgallo ballaaran, oo lagu soo qabtey tiro dad ah, oo looga shakiyay inay wax ka ogaayeen hoobiyaasha lagu tuurey Garoonka.
Ciidamo Ethiopia ka socda, oo kamid ah AMISOM iyo kuwa katirsan Koonfur Galbeed, ayaa aad u ilaaliya amaanka Garoonka, oo isha dhaqaale ee ugu weyn maamulka Madaxweyne Shariif Xasan Sheekh Aadan.
GAROWEONLINE
