Madaxweynaha Somalia oo Ethiopia u dhoofay
-
- Posted On 05-08-2016, 04:45PM
MUQDISHU, Somalia- Madaxweynaha dowladda Federalka Somalia Xasan Sheekh Maxamud iyo Wafdi uu hogaaminayo ayaa maanta u dhoofay xarunta dalka Ethiopia ee Adis Ababa halkaasoo ka furmi doono shir ay yeelanayaan madaxda Africa.
Shirka madaxeedka IGAD ayaa diiradda lagu saari doonaa arrinta Koonfurta Suudan iyo doorashada Somalia.
Shirkan oo muddo kooban socon doona ayaa si qodo dheer looga hadli doonaan qaabka lagu xallin karo qalalaasaha siyaasadeed ee ka taagan waddanka yar ee Koonfurta Suudaan iyadoo lagawada xaajoono in la geeyo ciidamo dheeraad ah oo amniga suga.
Doorashada Somalia ee dalka ka dhacaysa 2016 ayaa looga doodi doonaa iyadoo la filayo in madaxweyne Xasan Sheekh madasha geeyo halka arrinta doorashadu marayso.
Safarka madaxweynaha Somalia ayaa kusoo aadaya xilli uu magaalada Muqdishu kasocdo shirka madaxda Federalka iyo maamul goboleedyada taasoo looga hadlay marxaladda kala guurka ah iyo qaabka loo wajahayo isbadalka la filayo inuu dhaco 2016.
GAROWEONLINE
