Madaxweynaha Somalia oo ka qayb-galay aaska Xildhibaan Burci
-
- Posted On 28-06-2016, 01:44PM
Muqdishu, Somalia- Madaxweynaha dowladda Federaalka Soomaaliya, Xasan Sheekh Maxamuud, ayaa maanta ka qeybgaley tukashada salaadda Jannaasada ee Marxuum Xildhibaan Burci Maxamed Xamza oo dhowaan ku dhintay weerarkii kooxda Shabaab ku qaadeen mid ka mid ah hoteellada magaalada Muqdishu.
Waxaa sidoo kale Salaaddaasi kasoo qayb galay Guddoomiyaha Barlamanka, ku-xigeenkiisa koowaad, Ra'isal wasaare ku-xigeenka dowladda Soomaliya, xubno katirsan labada gole ee dowladda iyo qaar kamid ah ehelka Marxuum Burci.
Madaxweynaha ayaa salaadda jannaasada kaddib mid mid u gacan qaadey ehelada iyo qoyska marxuumka, isagoo mar kale uga tacsiyeeyay geerida ku timid Marxuum Burci oo sidoo kale ahaa Wasiiru Dowlaha Xafiiska Ra’iisul Wasaaraha ee Arrimaha deegaanka.
Burci ayaa noqonaya Xildhibaankii saddexaad oo bishan gudaheeda lagu dilay weerar ka dhacay magaalada Muqdishu.
GAROWEONLINE
