Xasan Sheekh oo Khartoum u tegey caleema saarka Al-bashiir
-
- Posted On 02-06-2015, 04:16AM
Khartoum, June 2, 2015: Madaxweynaha Dowladda Federaalka Soomaaliya, Xasan Sheekh Maxamuud iyo wafdi uu hoggaaminayo ayaa gaarey magaalada Khartoum ee caasimadda dalka Sudan, halkaasoo uu kaga qeybgalayo munaasabadda caleema saarka Madaxweyne Cumar Xasan Al Bashiir oo dib loo doortey.
Madaxweynaha ayaa waxaa garoonka diyaaradaha ee Khartoum International Airport ku soo dhoweeyay, wasiiro ka tirsan xukuumadda Sudan.
Muddada uu ku sugan yahay Khartoum, Xasan Sheekh waxaa uu kulamo la qaadan doonaa mas’uuliyiinta xukuumadda Sudan iyo jaaliyadda Soomaalida ee ku dhaqan Sudan.
Madaxweynaha Soomaaliya ayaa todobaadkii hore dalka Nigeria uga qayb galay munaasabaddii lagu caleema saarayey madaxweynaha cusub ee dalkaas dhowanta loo doortey Mohammadu Buhari.
GAROWE ONLINE
