Madaxweynaha Somalia oo u dhoofey Talyaaniga
-
- Posted On 02-09-2015, 02:33PM
2 September, 2015(GO)-Wafdi uu hogaaminayo madaxweynaha DFS Xasan Shekh Maxamud ayaa maanta u dhoofey dalka Talyaaniga, waxaana sii sagootiyay xubno ka socda golayaasha dowladda.
Safarka madaxweynaha aya salka ku hayaa ka qayb galka bandhigga Carwo caalami ah oo ka socota dalkasi oo qeyb ka mid ah looga hadli doono maalgashi lagu sameyo Somalia.
Madaxweyne Xasan Shekh ayaa sidoo kale la filayaa in 4 bishan uu Roma kula kulmo madaxweynaha dalka Talyaaniga oo lafilayo inay kawada hadlaan arimo la xiriira xoojinta wadashaqaynta labada dhinaca.
Bandhig carweedkan ka socda magalada Milano ee dalka Talyaaniga ayaa furmay 1-dii May waxaana uu socon doono ilaa 31-ka bisha October, waxaana ka qeybgalay in ka badan 145-dal.
GAROWEONLINE
