Ku-xigeenka Barlamanka oo digniin u direy xildhibaanada [Dhageyso]
-
- Posted On 27-08-2015, 10:14AM
27 August, 2015 (GO)-Gudoomiye ku xigeenka labaad ee baarlamanka Somalia Mahad Cabdalla Cawad ayaa ku eedeeyey xildhibaanada Somalia in aysan wax badan ka qaban shaqadii loo igmaday.
Mahad waxaa uu sheegay in dadka ku jira xabsiyada dowladda aysan ku jirin dad loo soo xiray musuq maasuq, taasna ay muujineyso in wax shaqo ah aysan qaban cidii loo xirsaaray oo baarlamanku qeyb ka yahay.
"Hadii xukuumadu tiri maanta wixii ka dambeeya ma lagu qaadi karo sifo aan sharci ahayn waxaas, mana lagu bixin karayo sifo aan sharci ahayn, baarlamaankana gaarey xukuumada gaarey ayna fuleyn, hadde arinta waxay u baahantahay in si hoose la isu weydiiyo, waa arin talo u baahan, hadii aan arinta wax laqaban ugu yaraan sanadka noo harey Somalia meel halis ah ayaan u dirney"Ayuu yiri Mahad Cabdalla.
Hadalkan ayuu ka jeediyay kalfadhiga 6-aad ee baarlamaanka Somalia oo shalay ka qabsoomey Muqdisho, waxuuna ku soo beegmayaa xilli uu jiro musuq maasuqu ku baahay hay'adaha dowladda.
GAROWEONLINE
