MUQDISHU: Ciidamada NISA oo xiray Wargayska Xog-ogaal iyo Tifaftirihiisii

MUQDISHU, Somalia- Ciidamada Nabad Sugida iyo Sirdoonka Somalia (NISA) ayaa Albaabada isagu dhuftay Xarunta Wargeyska Xog-ogaal, uu ku leeyahay magaalada Muqdishu.

Maxamed Maxamuud  oo ah Maamulaha Wargayskaas, ayaa xaqiijiyay in la xiray Xarunta Xog-ogaal, sidoo kalena ciidamadu xabsiga dhigeen Tifaftirahiisii Cabdi Aadan Guuleed (Caano-Geel).

Saraakiisha Ciidamada NISA wax Fah-faahin ah kama bixin sababta loo xiray Wargayska iyo Wariyahaasi.

Xarigan ayaa dhacay xalay fiidkii.

NISA ayaa la sheegay inay qalab isugu jiro Kumbiyuutaro iyo Kaamirooyinka ka qaadatay goobtaasi, kahor inta aysan xirin, sida uu sheegay mid kamid ah Shaqaalaha Wargeyska.

Wargeyska Xog-Ogaal, ayaa laga aas aasay magaalada Muqdishu 1991, wuxuuna ahaa Waregys mudo 25 sano ah oo dalka dagaallo ka soconanay ka shaqeynayay caasimadda dalka Somalia.

GAROWEONLINE