Nin wariye ah iyo xaaskiisii oo xalay Baydhabo lagu diley
-
- Posted On 30-04-2015, 04:55AM
April 30, 2015 (GO)- Wariye ka tirsanaa Radio Baydhabo ayaa xalay saqdii dhexe isaga iyo xaaskiisii waxaa ku diley isla magaalada Baydhabo.
Wariyahaas oo lagu magacaabi jirey Daa’uud Cali Cumar, waxaa gurigiisa oo ku yaalla xaafadda Berdaale ugu soo dhacay, kaddibna toogasho ku diley dabely hubaysan.
Dableyda oo dilka kaddib goobta ka baxsatey ayaa sidoo kale markii ay sii cararayeen toogtey nin kale.
Saraakiil ka tirsan laamaha ammaanka ayaa soo gaarey goobta, waxayna boolisku sheegeen inay ku raad joogaan dhowr qof oo laga shekiyey.
Dilalka qorsheysan ayaa muddooyinkii u danbeeyey kusoo badanayey degmada Baydhabo ee xarunta maamulka Koonfur Galbeed.
GAROWE ONLINE
