Nolol xumo ka jirta goobaha laga saarey Al-shabaab
-
- Posted On 31-08-2015, 10:26PM
1 September, 2015(GO)-Cunta yari iyo dhibaatooyin kale ayaa laga soo sheegayaa goobihii laga saarey ururka Al-shabaab ee Koonfurta Somalia.
Warbixin ka soo baxday Qaramada Midoobay ayaa lagu tilmaantay heerka nafaqo darida iyo cunto yarida Somalia ina korortey ku dhawaad labaatan boqolkiiba lixdii bilood ee ugu danbeeysay.
Xaalada ayaa ka sii dartay ka dib markii muddooyinkii dambe jireen dagaalo culus oo u dhaxeeya dowladda iyo Al-shabaab, waxaan dadka deeganada colaaduhu ka dhaceen oo la hadlay warbahinta sheegeen inay haysato xaalad aad u adag.
Ururka Al-shabaab ayaa gubay beero halka ay xabaaleen ceelal ay ka cabi jireen shacabku, waxana falkani yimi ka dib markii laga saarey deeganadii horey uga arimin jireen.
Dhawaan madaxweynaha Somalia oo booqday degmada Diinsoor ee gobolka Baay ayaa beesha caalamka ugu baaqey inay gar-gaar la soo gaaraan shacabka ku nool goobaha laga saarey Al-shabaab oo ay la soo daristay nolol xumo.
Arinta kale ee xusidda mudan ayaa ah in Koofurta Somalia qeybtiis ay ku yaraayeen roobabkii Guga' oo qeyb ka noqotey macaluusha baahsan ee soo foodsaartey qoysas badan oo Somali ah, ilaa soddon boqolkiiba dadka ayaa u baahan gargaar bini'aadanimo sida ay sheegayso warbixinta Qaramada Midoobey.
Laba boqol iyo konton kun oo qof ayaa ku dhintay abaar ka dhacday Somalia sanadkii 2011-ka.
GAROWEONLINE
