Puntland oo caalamka ka dalbatey in laga caawiyo dib-u-dejinta qaxootiga
-
- Posted On 14-05-2015, 01:29PM
May 14, 2015 (GO)- Dowladda Puntland ayaa beesha caalamka ka dalbatey in laga taageero dib u dejinta qaxootiga tirada badan ee ka imaanaya dalka Yemen, kadib markii ay shalay magaalada Bosaso soo gaartey doon siddey in ka badan 1,700 oo qof.
Wasiirka Arrimaha Gudaha Puntland Axmed Cilmi Cismaan Karaash oo maanta xafiiskiisa Garowe shir-jaraa'id ku qabtey, ayaa sheegay in Puntland ka walaacsan tahay xaaladda nololeed ee qaxootiga kasoo qulqulaya dalka Yemen.
Wasiirka ayaa xusey in Puntland awood u lahayn inay dadka intaas le'eg dib u dejin u sameynso, wuxuuna ugu baaqey hay'adaha samafalka iyo wadamada deeqda bixiya inay Puntland arintan ka caawiyaan.
Dhanka kale, Wasiirka Arrimaha Gudaha Puntland Axmed Cilmi Cusmaan ayaa maanta xafiiskiisa ku qaabiley Safiirka Yaman ee Soomaaliya, wuxuuna kala hadlay arrimo khuseeya qaxootiga ka imaanaya Yemen.
Dowladda Federaalka oo marar badan ballan qaadey inay wax u qabaneyso qaxootiga ka imaanaya Yeman ayaan ila iyo hadda wax tallaabo ah qaadin.
GAROWE ONLINE
