Xarago oo xabsiga Bossaso laga sii daayey kadib markii Al Shabaab lagu sheegey [Dhageyso]
-
- Posted On 11-03-2017, 05:08PM
BOSSASO, Puntland- Madaxweynaha Puntland Cabdiweli Maxamad Cali Gaas ayaa xabsiga ka sii daayey inta uusan ka dhoofin magalaada Bossaso, Nabdoon Xargo ayaa muddo ku xirnaa xabsiga dhexe ee magaladaas.
Nabadoon Cabdulqaadir Ibrahim Xarago oo muddo Labo 7aad ku xirnaa xabsiga dhexe ee magalaada Bossaso ayaa waxaa lagu eedeeyey Inuu xabsiga ku booqdey koox dhalinyaro ah oo ku eedeysneyd in ururka Al shabaab ka tirsanaayeen.
Dhalinayaradaan ayaa la sheegey iney qayb ka ahaayeen kooxaha dilalka ka fuliya kuwasoo lagu xakumey xabsiyo kala duwan.
Madaxweynaha dowlada Puntland ayaa wareysi uu horey u siiyey laanta Af Somaliga VOA ku sheegey Inuu rumeysan yahay in Xarago ka tirsan yahay ururka Al shabaab isagoo booqashada xabsiga uu ku tagey macnaheedu ahaa Inuu fariin u dirayey ururkaas iyadoo la Maxkamadeyn doono. HALKAAN KA DHAGEYSO
Xarago oo sheegta inuu yahay afhayeenka Nabdoonada gobolka Barri ayaa ah shaqsi aad ugu dhex jira siyaasada gobolka isagoo kamid ahaa kooxdii Isbadal doonka aheyd doorashadii Puntland ka dhacdey sanadkii 2014.
Gobolka Barri magaaladiisa Bossaso ayaa waxaa awood ku yeeshey kooxaha argagixisada kadib markii hay'adaha amniga Puntland mushahar la'aan darteed howlahooda qabsan waayeen taasoo sababtey in cabsi la soo gudboonaato shacabka dagan gobolkaas.
Ma aha markii ugu horeysay oo madaxweyne Gaas xabsi ka sii daayo shaqsiyaad lagu soo eedeeyey iney gacansaar la leeyihiin ururadaas.
GAROWEONLINE
