Qarax culus oo ka dhacay Muqdisho iyo fahfaahin dheeraad ah
-
Wariyaha Muqdisho GAROWE ONLINE
- Posted On 08-11-2018, 05:25PM
MUQDISHO, Soomaaliya - Qarax xooggan ayaa galabnimdii maanta ka dhacay magaalada Muqdisho, kaasi oo loo adeegsaday Garai lagu soo xiray walxaha qarxa.
Gaariga ayaa ku qarxay nawaaxiga Beerta Nabadda, dhanka Hotel Muna, oo ku yaalla meel aan ka fogeyn Aqalka Madaxtooyadda dalka [Villa Somalia], taasoo amaankeeda ay ilaaliyaan ciidamo Midowga Africa ee AMISOM.
Goobjooge la hadlay Warsidaha Garowe Online ayaa sheegay in gaariga uu yaalla meel baabuurta lagu dhaqo [Lawaajo], iyadoo uu ku dhintay ninkii xilligaasi dhaqayay, waxaana jira dad kale oo ku dhaawacmay.
Lama oga cida leh gaariga, balse waxay wararku sheegayaan in ciidamada amaanka dowladda Soomaaliya ay goobta xireen, islamarkana ay wadaan baaritaan.
Falalkan noocan ah ayaa waxaa magaalada ka fulisa kooxda Al-Shabaab, oo qarxyo ugu xirta gaadiidka raxaada ah ee ay wataan saraakiisha hay'adaha amaanka, shaqaalaha dowladda iyo dadka kale ee muhiimka ah.
Fahfaahin dheeraad ah kala soco wararkeena dambe.
GAROWE ONLINE
