Qarax Ismiidaamin ah oo ka dhacay Baardheere iyo wararkii ugu damabeeyay

BAARDHEERE, Somalia - Qarax culus, oo ismiidaamin ahaa ayaa ka dhacay maanta oo Sabti ah magaaladda Baardheere, ee gobolka Gedo, kaasoo lala eegtay saldhig military.

Kooxda Al-Shabaab ayaa sheegtay inay ka dambeysay weerarka, oo uu fuliyay naftii-hurre watay Gaari lagu soo xiray walxaha qarxa, kaasoo lala eegtay saldhig ciidamada Itoobiya ku leeyihiin meel ku dhaw Garoonka diyaaradaha magaaladda.

Al-Shabaab ayaa intaasi ku dartay in qaraxa ismiidaaminta ay ku dhinteen 16 Askari oo Itoobiyaan ah, inkastoo aysan jirin warar madax-banaan oo xaqiijinaya sheegashadeeda.

Magaaladda Baardheere waxaa laga saarey Al-Shabaab July, 2015, iyadoo wixii markaas ka dambeeyay ay maamulayeen ciidamada dowladda Somalia iyo kuwa Itoobiya, oo amaanka sugaya.

Wixii kusoo kordha qaraxa, kala soco wararkeena dambe.

GAROWE ONLINE