Ra'isal wasaaraha xilku Ka dhamadey oo ku wajahan Puntland
-
- Posted On 17-09-2016, 02:39PM
MUQDISHU, Somalia- Warar warsidaha GO ka helayo ilo lagu kalsoon yahay ayaa sheegaya in Ra'isal wasaraha xilku ka dhamadey islamarkaana ah musharax u taagan doorashada maaxweynaha Somalia ku wajahan yahay maalmaha soo socda gobolada Puntland.
Wararkaan ayaa sheegaya in safarka Cumar Cabdirashid salka ku hayo ololaha doorashada loogu jiro tartanka madaxwynaha Somalia kasoo dhici doona dabayaaqada sanadkaan.
Ilo ku dhow xafiiska Ra'isla wasaraha xilka kaga ekaa September 10, 2016 ayaa sheegaya in booqashadaan sidoo kale ku saabsan tahay sidii Cumar Cabdirashid u heli lahaa xubin kursiga aqalka sare ee Barlamanka Federaalka ah.
Booqashada Cumar Cabdirashid ayaa ku soo beegmeysa xilli ay soo baxeen warar sheegaya in Madaxweynaha Puntland siyaasiyan tageerayo Xasan Shiikh in dib loogu doorto xafiiska Madaxweynaha Somalia.
Booqasho tan lamid ah ayaa wararka kale ee laga helayo Villa Somalia xusayaan in madaxweynaha xilku ka dhamadey Xasan Shiikh ku tagayo Puntland asbuucyada soo socda.
GAROWEONLINE
