Ra'isal wasaarihii hore Somalia "Saacid" oo Muqdishu tagay [Sawirro]
-
- Posted On 01-02-2017, 08:13PM
MUQDISHU, Somalia- Ra'isal wasaarihii hore dalka Somalia Cabdulqaadir Farax Shirdoon Saacid, ayaa maanta tagay magaalada Muqdishu caasumadda Somalia kadib safar uu uga yimid dhinaca Kampala.
Soo dhaweyn ballaaran ayaa loogu sameeyay garoonka diyaaradaha Muqdishu, iyadoo ay qaabileen maamulka gobolka Banaadir iyo xubno katirsanaa xukuumaddiisii.
Mudane Saacid oo hadal kooban warbaahinta siiyay ayaa sheegay inuu ku faraxsanyahay imaanshaha dalkiisa isagoo ku baaqay in loo gurmado marxaladaha adag ee waddanku ku jiro.
Ex-Ra'isal wasare Saacid ayaa sidoo kale soo hadal qaaday doorashooyinka ka socda dalka ayaa sheegay in madaxda tartamaysa looga fadhiyo sidii ay u taabo galin lahaayeen nidaam ku salaysan dal jacayl oo wax ka qabta colaadaha iyo abaaraha dabo dheeraaday ee dalka ka taagnaa mudada dheer.
“Waxaan ugu baaqayaa cid walba ee ay quseyso arrinta doorashadu in dalka sharafkiisa iyo wixii meel ku dhac ku noqon kara laga digtoonaado. Soomaaliya maanta waxay u socotaa jid wanaagsan oo u baahan in lagu gaaro xasillooni Siyaasadeed,” Ayuu yiri Saacid oo ku sugan iminka Muqdishu.
Shirdoon ayaa dalka Somalia ka noqday Ra'isal wasaare waqtiyadii u dhaxeeyay 17 October 2012 ilaa 12 Diseembar 2013 xilligaas oo lagu badalay Cabdiwali Sheekh Axmed markii Xildhibaanadu kala laabteen kalsoonidii ay siiyeen, xilli ay isku dhaceen madaxweyne Xasan Sheekh.
GAROWEONLINE
