Sarkaal ka tirsanaa xafiiska R. Wasaaraha oo Muqdisho lagu diley
-
- Posted On 21-06-2015, 06:28AM
June 21, 2015 (GO)- Hawl-wadeen ka tirsanaa xafiiska Ra'isal Wasaaraha Dowladda Federaalka Soomaaliya ayaa saaka magaalada Muqdisho lagu diley.
Ninkaas oo lagu magacaabi jirey Anwar Xaaji Dayib waxaa agagaarka xaafadda Mac-Macaanka ku toogtey labo nin oo bistoolado ku hubeysnaa, kuwaasoo durbadiiba goobta ka baxsaday.
Lama aqoonsan haybta kuwa dilka geystey, mana jirto ilaa iyo hadda cid sheegatay mas'uuliyaddiisa.
Waa qofkii ugu horreeyey ee ka tirsan shaqaalaha Dowladda Federaalka ee intii lagu guda jirey bisha barakeysan ee Ramadaan magaalada Muqdisho lagu dilo.
Al-shabaab ayaa sanad walba marka lasoo gaaro xilligan oo kale, waxay kordhisaa weerarrada ay ku qaadeyso xarumaha dowladda iyo dilalka qorsheysan ee lala begsado mas'uuliyiinta.
GAROWE ONLINE
