Shariif Xasan oo isku shaandheyn ku sameeyay Golihiisa Wasiiradda

BAYDHABO, Somalia - Madaxweynaha Koonfur Galbeed Shariif Xasan Sheekh Aadan, ayaa maanta oo Axad ah isku shaandheeyay Gollahiisa Wasiirada, kadib markii ay Xukuumadiisa hore lagu dhaliilay wax-qabad la'aan iyo tayo xumo dhanka maamulka ah.

Digreeto kasoo baxday Madaxweyne Shariif Xasan ayaa lagu shaaciyay Isku shaandheynta Gollaha Wasiirada maamulka Koonfur Galbeed Somalia, iyadoo ay shaxda cusub ay kasoo muuqdeen wajiyo cusub, iyadoo lasoo celiyay Wasiirro hore, oo aad ugu dhaw sida la sheegay Shariif Xasan.

Sida ku suxan qoraalka, 53 Wasiir, oo ka kooban 24 Wasiir, 24 Wasiir ku xigeen iyo Shan Wasiiru dowle, ayuu soo magacaabay Shariif Xasan, kuwaasi oo bedelaya Xukuumadii hore ee Tirada badnayd, ee waxqabadkeeda liitay.

Koonfur Galbeed, oo kamid ah maamulladii la dhifay wixi ka dambeeyay 2013-kii ayaa wali ku shaqeynaya magaalada Baydhabo oo xarun ku KMG u ah, iyadoo Caasimadiisa rasmiga ah ee Baraawe, loogu shaqeyn waayay amni la'aan iyo khatarta Al shabaab oo gobolka Shabeellaha hoose ka jirta.

Halkan hoose ka akhriso Digreetada Madaxweyne Shariif Xasan;

GAROWEONLINE