Sheekh Xasan Turki oo geeriyoodey
-
- Posted On 28-05-2015, 05:26AM
May 28, 2015 (GO)- Sheekh Xasan Cabdullaahi Xirsi (Turki) oo kamid ahaa saraakiisha Al-shabab ayaa xalay ku geeriyoodey deegaanka Hargeysa Yareey ee gobolka Jubbada Dhexe.
Geerida Xasan Turki waxaa xaqiijiyey af-hayeenka guud ee Al-shabaab Cali Dheere isagoo sheegay in muddooyinkii u dambeeyey uu ku xanuunsanayey deegaanka Hargeysa Yarey.
Xasan Turki oo xubin firfircoon ka ahaa dadkii asaasey ururrada jihaadiyiinta ah ee Geeska Afrika, waxaa si weyn u raadineysey Dowladda Maraykanka oo ku eedeysey inuu martigeliyey xubnihii Al-qaacida ka tirsanaa ee fuliyey qaraxyadii lala beegsaday safaaradaha Maraykanka ee Darisalam iyo Nairobi.
Magaalada Qabri-dahar ee dhulka is-maamulka Soomaalida Itoobiya ayuu ku dhashay, Sucuudigana muddo ayuu ku noolaa waxna wuu kusoo bartey.
Wuxuu xilal kasoo qabtey ururradii Al-itixaad iyo Xisbul Islaam, balse sanadihii u dambeeyey wuxuu kamid ahaa Al-shabab.
Xasan Turki oo ku geeriyoodey da'da 73 sano waxaa la sheegaa in uu labo mar tegey dalka Afghanistan, halkaasoo uu kula kulmey hoggaamiyihii hore ee Al-qaacida Osama Bin Laden.
GAROWE ONLINE
