Siciid Shire " Madaxweynaha DF ha caddeeyo mowqifkiisa Jubaland"
-
- Posted On 08-06-2015, 10:29AM
June 8, 2015 (GO)- Guddoomiyaha Golaha Wakiillada Puntland Siciid Xasan Shire oo maanta shir-jaraa'id ku qabtey xarunta baarlammaanka ee Garowe ayaa sheegay inay soo dhaweynayaan go'aanka Maamulka Jubbaland uu xiriirka ugu jaray Dowladda Federaalka Soomaaliya.
Siciid Xasan Shire ayaa xasay inuu sharci darro ahaa moooshinkii laga keenay Baarlamaanka Jubaland, wuxuuna ugu baaqay Madaxweyne Xasan Sheekh inuu caddeeyo mowqifka uu arrrintaas ka taagan yahay.
"tallaabada Baarlammaanka Dowladda Federaalku qaadey waa mid sharci darro ah...Madaxweynaha waxan ugu baaqeynaa inuu caddeeyo mowqifka uu arrintaas ka taagan yahay" ayuu yiri
Dhanka kale, Siciid Shire ayaa ka dhawaajiyay in kal-fadhiga soo socda ee Baarlammaanka Puntland looga doodi doono hab-dhaqanka Baarlammaanka Dowladda Federaalka.
War-saxaafadeed shalay oo Axad ahayd kasoo baxay madaxtooyada Garowe ayaa lagu sheegay in go'aankii Baarlammaanka Dowladda Federaalku ka qaatey baarlammaanka Jubaland uu ahaa go'aan sharci darro ah islmarkaana caqabad ku noqon kara dadaalka loogu jiro hirgelinta nidaamka federaalka ee Soomaaliya.
GAROWE ONLINE
