Afgooye: booliska oo xir-xiray dad lala xiriirinayo Al-shabab
-
- Posted On 28-06-2015, 07:28AM
June 28, 2015 (GO)- Booliska ayaa hawlgal dad badan lagu soo qabqabtey ka sameeyey degmada Afgooye ee gobolka Shabeellada Hoose.
Taliyaha Booliska Afgooye Amiin Maxamed Cismaan ayaa sheegay in hawlgal baaritaan ah habeennimadii xalay laga sameeyey xaafadaha Xaawo Taako iyo Dhagaxtuur.
Dad dhalliyaro u badan oo tiradoodu soddon qof gaareyso ayuu sheegay in gacanta lagu soo dhigay, kuwaas oo xilligan baaritaan lagu wado.
Taliye Amiin ayaa xusay in dadka lasoo xirxiray ay ku jiraan qaar lagu tuhmayo inay ka tirsan yihiin Ururka Al-shabaab.
Al-shabaab ayaa weerar ay todobaadkii hore kusoo qaadday fariisin ciidamada Dowladda Federaalku ku leeyihiin Afgooye, waxay ku dishay ku dhowaad shan iyo toban askari.
GAROWE ONLINE
