Somalia: Hoobiyaal lagu garaacay Xaafado ka tirsan Muqdishu

Image

MUQDISHU, Somalia - Ugu yaraan shan ruux oo shacab ah ayaa ku geeriyootay, 7 kalena way ku dhaawacmeen hoobiyaal lagu garaacay qeybo kamid ah magaalada Muqdishu, ee xarunta Somalia.

Mid kamida hoobiyaasha wuxuu ku dhacay Iskuul lagu magacaabo Xasan Qariidi, oo ku yaalla Xaafadda shanta-Geed, ee degmada Howlwadaag, waxaana uu dilay 5 qof oo 4 kamid ah arday ahaayeen.

Gaadiidka Gurmadka deg dega Ambalaaska, ayaa durbaba gaarey goobta hoobiyaasha ay ku dhaceen ee Iskuulka ah, iyagoo daadgureeyay dhaawacyada oo la dhigay Isbitaallada magaalada, si loo daweeyo.

Wararka qaar ayaa sheegaya in Hoobiyaasha laga dhex tuuray isla gudaha Degmada Howlwadaag.

Hoobiyaasha kale waxay ku dhaceen xaafad ku dhaw xarunta Madaxtooyada Somalia ee degmada Wardhigley, mana lasoo sheegin wax khasaaro ah oo ay dadka gaarsiiyeen.

Wali ma jirto cid sheegatay mas'uuliyada weerarka, oo noqonaya midkii labaad oo mudo Todobaad ah ka dhacay magaalada Muqdishu, oo mudooyinkii dambe ay kusoo kordhayeen falalka ka dhanka ah amniga.

Maalintii Isniintii lasoo dhaafey ayaa sidan oo kale hoobiyaal loogu garaacay xaafad ku dhaw Garoonka Diyaaradaha Aadan Cadde, iyadoo ciidamada amniga ay toogteen kuwii weerarkaasi fuliyay.

GAROWEONLINE

Related Articles

Xasan Sheekh oo la kulmay Abiy Ahmed kahor Shirka Addis Ababa

Shirka waxay dalalka kale usoo direen wafuud aan Madaxweyne ku jirin, oo heerkooda hooseeyo.

  • Soomaliya

    27-07-2025

  • 01:21PM

Madaxweyne Xasan Sheekh oo Gaaray Addis Ababa xili Al-Shabaab oo Qabsatay Maxaas

Macwiisleyda ayaa ka filayay Al-Shabaab dhanka waqooyi inay uga imaanayso, balse Koonfurta ayaa looga yimid.

  • Soomaliya

    27-07-2025

  • 12:41PM