Somalia: Odayaal lagu dilay Muqdishu iyo Baardheere
-
- Posted On 05-10-2016, 11:07PM
MUQDISHU, Somalia- Dilal kala duwan ayaa Labo Oday dhaqameed waxaa Caawa Fiidkii loogu geestay caasimada Soomaaliye ee Muqdishu iyo degmada Baardheere, ee gobolka Gedo.
Muqdishu waxaa lagu dilay Xasan Aadan, oo Kooxo Bastoolado ku hubaysan ku khaarajiyeen degmada Wadajir, halka Odayga Labaadna oo isna lagu magacaabi jiray Ibraahim Qorax lagu dilay Baardheere.
Allah ha u naxariistee Labada Oday waxay kamid ahaayeen Odayaasha Soomaaliyeed, ee sida aadka ah loo looga yaqaaney Muqdishu iyo Baardheere.
Ma jirto cid sheegatay mas'uuliyada Dilalkaasi iyo dad loo soo qabtay fal dambiyeedkaasi, balse waxay qeyb ka yihiin qu-gooyooyinka qorsheysan ee inta badan kooxda Al Shabaab ka fulinayso gudaha Somalia.
Waxaa moodaa in dilku kusoo batay Koonfurta Somalia xilli loo diyaar garoobayo doorashada dhici doonta bilaha soo socda.
GAROWEONLINE
