Somalia: Qarax iyo Howlgal ka dhacay Jowhar
-
- Posted On 11-06-2017, 05:30PM
JOWHAR, Somalia - Ciidamada Dowladda Federaalka Somalia ayaa Howgal ka sameeyay saaka Xaafadaha degmada Jowhar, ee xarunta gobolka Shabeellaha Dhexe.
Sarkaal katirsan Booliska Degmada ayaa GO u sheegay in Howlgalka amni lagu baadi-goobayo raggii ka dambeeyay Bambo Gacmeed lagu weeraray xalay Sarkaal ka tirsan Ciidamada Nabad Suggida Jowhar.
Qaraxa ayaa ka dhacay meel aan sidaas uga fogeyn Xarunta Madaxtooyadda maamulka Hirshabeelle Xalay abaare 8:45 p.m. waqtiga Geeska Africa, waxaana ku dhaawacmen dhowr qof oo shacab ah.
Ciidamada ayaa gaarey goobta, waxaana ay ka sameeyeen Xaafadda uu Qaraxu ka dhacay, waxaana la sheegay in ay soo qabteen tiro dhalinyaro ah, kuwaasi oo Su'aallo lagu weydiinayo saldhigga Degmada.
Ma jirto cid sheegatay mas'uuliyadda Qaraxii xalay ka dhacay Jowhar, oo 90KM dhanka Waqooyi uga beegan magaalada Muqdishu, balse waxaa loo maleynayaa inay ka dambayso Kooxda Al shabaab.
Ciidamada dowladda Somalia ee ku sugan magaalada Jowhar ayaa si weyn u adkeeyay Ammaanka inta lagu gudajiro Bisha Barakeysan ee Ramadan-ka, si aysan u dhicin falal Lidi ku ah Ammaanka.
GAROWEONLINE
