Tababarka ciidamadda Soomaaliya oo shir laga yeeshay

BAYDHABO, Koonfur Galbeed - Madaxweynaha Koonfur Galbeed, ayaa Dugsiga Tawabarka Dowlada Ingiriiska ee Ciidanka Xooga Dalka kula kulmay, Wasiirka Arrimaha Afrika ee Xukuumadda Ingiriiska, James Duddridge.

Cabdicasiis Xasan Maxamed Lafta-gareen iyo James Duddridge waxaa kulanka ku wehliyey mas'uuliyiin kale oo ka tirsan labadda dhinac kuwaasoo ay kamid yihiin wasiiro.

Ben Fender, danjiraha boqortooyadda UK u fadhiya magaaladda caasimadda ah ee Muqdisho ayaa qeyb ka ahaa kulankaan ka dhacay xarunta ku meelgaarka Koonfur Galbeed ee Baydhabo.

"Kulanka waxaa looga hadlay dib u dhiska Ciidamada, la dagaallanka argagixisada iyo musuq-maasuqa, horumarinta dhaqaalaha iyo dadaallada dib u heshiisiinta," ayaa lagu yiri qoraal kasoo baxay Madaxtooyada Puntland.

Bayaanka ayaa la raaciyey: "Kulanka ka dib Madaxweynaha oo ay Wehliyaan wehlinayey Wasiiradda Wasaaraddaha Qorshaynta,Arimaha Gudaha iyo Agaasime ku Xigeenka Madaxtooyada Koonfur Galbeed iyo Madaxda Dowlada Ingiriiska ayaa Kormeerey Ciidanka Tawabarka uga Socday Xarunta".

Ingiriiska ayaa kamid ah dowladaha caalamiga ah ee Soomaaliya ka taakuleeya arrimaha la dagaalanka argagixisadda, dhismaha dowladnimadda iyo tayeynta ciidamadda.

James Duddridge ayaa waddanka wuxuu u yimid ka qeybgalka shirka Iskaashiga Soomaaliya iyo Beesha Caalamka kaasoo Isniintii ku qabsoomay Muqdisho halkaasoo uu kaga hadlay arrimo doorashooyinka kamid tahay.

GAROWE ONLINE