Taliyaha NISA oo Shaqada ka cayriyay 1,500 oo Askari
-
- Posted On 02-10-2016, 02:18PM
MUQDISHU, Somalia- Taliyaha ciidamada Nabad Sugidda iyo sirdoonka Somalia ee NISA Jen Cabdullaahi Gaafow ayaa shaqada ka cayriyay 1,500 oo Askari oo kamid ahaa Sirdoonka dalka.
Ciidamada la cayriyay ayaa la sheegay inay ku fashilmeen waajibaadkii loo igmaday.
Jen Gaafow ayaa tilmaamay inuu isbedel ku samayn doono qaab shaqeedka NISA, islamarkaana uu howl galin doono xubno cusub oo howl kar ah, kuwaasoo wax ka qaban kara amni darrada ka jirta Somalia.
Dadka shaqada NISA la eryay ayaa waxaa kamid ah Cabdixakiim Fareey, oo ahaa Taliyaha Nabada Sugida Gobolka Banaadir, kaasi oo lagu bedelay Maxamed Xasan Faarax (Faranfar).
Isku-shaandhanynta uu sameeyay Taliyaha guud ee hay'addaasi ayaa waxay imaanaysaa xilli faraha uu ka baxay amniga caasumadda Somalia, oo la filayo inay ka dhacdo doorashada madaxtinimo.
Gaafow, oo horey u ahaa Madaxa Hay'adda Jinsiyadaha iyo Socdaalka Somalia (Immigration) ayaa Madaxweyne Xasan Sheekh u magacaabay Taliyaha NISA Bishii June, 2016.
GAROWEONLINE
