UN-ka "Al Shabaab wali Khatar ayay ku tahay amniga Somalia"
-
- Posted On 05-11-2016, 01:19PM
Warbixin cusub oo ay QM soo saartey ayaa lagu sheegay in Kooxda Al shabaab, ee xiriirka la leh Al Qaeda wali khatar ku tahay amniga dalka Somalia.
Hay'adda la soconka Cunaqabataynta QM u qaabilsan Somalia, ayaa xustay in Al shabaab ay lix weerar ku qaadeen hoteelo ku yaallo Muqdishu laga soo billaabao November, 2015 ilaa Bishii June ee sanadkan.
"Inkastoo ay jiraan howlgallo ka dhan ah ragagaxisada Al sahbaab, wali waxaa muuqata in amniga Somalia uusan ahayn mid soo hagaagayo, oo horumar laga sameeyay," Ayaa lagu yiri Warbixinta QM.
Qoraalka oo loo gudbiyay Todobaad hore Golaha Amniga ee Jamciyadda Quruumaha ka dhaxaysa, ayaa lagu sheegay in Al Shabaab ay halis muuqata ku tahay xasiloonida, Nabada dalka Somalia iyo guud ahaan gobolka geeska Africa.
Hay'adda la soconka Cunaqabataynta QM u qaabilsan Somalia waxay sidoo kale sheegtay in Al shabaab ay casriyaysay weeraradeeda, islamarkaana ay awoodo inay weeraro ka geysato dalalka ciidanka ugu yaboohay howlgalka AMISOM.
Kadib weerarkii lagu qarxiyay Diyaaradii Daallo Bishii February, 2016, QM ayaa ka digtay in Al Shabaab ay weeraradooda u weeciyaan dhanka Diyaaradaha isaga kala goosho dalalka gobolka Geeska Africa.
Inkastoo Al Shabaab laga saarey dhowr magaalooyin muhiim u ahaa, oo kamid ah Muqdishu wixii ka danbeeyay 2011, waxay wali fulinayaan weeraro ka dhan ah Goobaha dowladda ay maamusho iyo fariisamaha AMISOM.
GAROWEONLINE
