Wariye Cabdulqaadir Nadaara oo noqday Lataliyaha RW Kheyre

MUQDISHU, Somalia - Ra'iisul Wasaaraha Xukuumadda Federaalka Somalia Xasan Cali Kheyre ayaa maanta oo Sabti ah u magacaabay Wariye Cabdulqaadir Maxamed Abshir (Nadaara) Lataliyihiisa dhanka Warfaafinta iyo Wacyi-gelinta.

Wareegto kasoo baxday Xafiiska Ra'iisul Wasaare Kheyre, ayaa lagu magacaabay Wariye Nadaara, oo 2015 illaa 2016 soo noqday Afhayeenka Madaxweynaha Koonfur Galbeed Somalia iyo Latalihiisa dhanka Warbaahinta.

Magacaabista ayaa timid markii uu Ra'iisul Wasaaraha arkay inay jirto baahi ah in la dardar-geliyo arrimaha la xiriira Warfaafinta iyo wacyi-gelinta.

Madaxweynaha iyo Ra'iisul Wasaaraha dowladda Federaalka ayaa wado Olole ay ku magacaabayaan Lataliyaal fara badan.

GAROWEONLINE