Wasaarada arimaha dibada Somalia oo beenisay in shirka IGAD baaqdey
-
- Posted On 13-09-2016, 11:10AM
MUQDISHU, Somalia- Waraaq habeenkii xalay lagu shaaciyey baraha bulshada ayaa waxaa ay sheegeysay in shirkii urur goboleedka IGAD ku qaban lahaa magalaada Muqdishu baaqdey.
Qoraalkaas oo ku sixiixnaa xoghaynta ururka ayaa lagu sheegin sababta balse kulankaas baaqdey.
Baahinta qoraalkaan kadib ayaa wasaarada Arrimaha dibada so dhigtey barteeda Twiter in kulankaas uusan baaqan islamarkaana uu qabsoomayo.
Qoraalka IGAD ayaa sida uu yahay run noqon lahaa waxaa ay dhabarjab ku ahaan laheyd Madaxeynaha iyo Ra'isal wasaaraha xilku ka dhamaadey kuwasoo ku jira olole doorasho.
Magalaada Muqdisshu ayaa tobankii Cisho ee la soo dhaafey aad loo adkeeyey amaankeeda taasoo cabashooyin ka muujinayeen dadweynaha ku nool magaaladaas.
Garoonka diyaaradaha Muqdishu ayaa waxaa ka socda diyaar garowga soo dhoweynta madaxda urur goboleedka IGAD
GAROWEONLINE
