Barlamanka oo ansaxiyey Wasiiradii maamulka Galmudug
-
- Posted On 31-08-2015, 01:06PM
31 Augusto, 2015(GO)-Golaha barlamanka Galmudug ayaa maanta ansixiyay wasiirada uu dhawaan soo magacabey madaxweynaha maamulkaasi Cabdikariim Xuseen Guuleed kuwaasi oo isug jirey wasiiro, wasiir ku-xigeeno iyo wasiir dawlayaal.
Fadhiga barlamanka oo ay soo xaadiren 69 xildhibaan ayaa 66 oo ka mid ah waxay codkooda siiyeen xukuumadda, halka saddex xildhibaan oo kala ah Guddoomiyaha Baarlamaanka iyo labadiisa ku xigeen aysan codkooda dhiiban.
Madaxweynaha maamulka Galmudug Cabdikariim Xuseen Guuleed oo ansixinta kadib hadlay ayaa u mahad-celiayay xildhibaanada siiyay kalsoonida xukuumada uu dhawaan soo magacaabey.
Maamulka Galmudug ayaa tan iyo intii la dhisey waxaa diidan iney aqoonsadaan dowlada Puntland halka Ahlu sunah mamaul kaga dhawaaqdey magaalada Dhuuso Mareeb.
Madaxweynaha Galmudug ayaa dhowaan sheegey inuu heshiis la galey Ahlu sunah balse waxaa beeniyey sheegshadaas madaxda ururkaas ee ku sugan magaalada Dhuuso mareeb.
Madxweynaha Somalia oo kaalin weyn ka qaatey dhismaha maamulkaan ayaa horey magaalada Dhuuso mareeb ugu magacaabey magaalo madaxda maamulka Galmudug.
Madaxweynaha maamulka Galmudug oo horey wasiir uga ahaan jirey dowlada Xasan Shiikh madaxda ka yahay siyaasad ahaana aad isugu dhow yihiin ayaa iminka ku shaqeeya magaalada Cadaado.
GAROWEONLINE
